Presidenti amerikan, Donald Trump shpall projektin më të madh të infrastrukturës së inteligjencës artificiale në histori me vlerë prej 500 miliardë dollarësh.
Ai njofton krijimin e një kompanie private të quajtur “Stargate”, e cila, sipas tij, do të investojë 500 miliardë dollarë (rreth 479 miliardë euro) në infrastrukturën e inteligjencës artificiale në SHBA.
Ai e përshkruan këtë si “projektin më të madh të infrastrukturës së inteligjencës artificiale në histori, pa diskutim”.
Sipas tij, kjo iniciativë do të krijojë 100 mijë vende pune në Amerikë “pothuajse menjëherë”.
Trump thotë se do të ndihmojë përmes shpalljeve emergjente dhe do të sigurojë prodhimin e nevojshëm të energjisë elektrike për ta mbështetur këtë projekt.
Të pranishëm në këtë vendim historik të presidentit amerikan ishin edhe Larry Ellison nga Oracle, Sam Altman i OpenAI dhe CEO i SoftBank Masayoshi Son.
Ndryshe, “Stargate” do të fillojë menjëherë ndërtimin e infrastrukturës, duke përfshirë qendrat e të dhënave.
