YouTube është gati të nisë zyrtarisht një version më të lirë, “Premium Lite” të shërbimit të saj, sipas Bloomberg.
Ky nivel i ri “do të synojë shikuesit që kryesisht duan të shikojnë programe të tjera përveç videove muzikore”, përcjell Telegrafi.
Bëhet e ditur se YouTube pilotoi një version pa reklama të një niveli të quajtur Premium Lite në disa vende evropiane duke filluar në vitin 2021 përpara se të anulonte planin në 2023.
Por kompania konfirmoi në tetor se po testonte një “version të ndryshëm” të Premium Lite dhe të paktën një përdorues raportoi se versioni i ri kishte reklama të kufizuara.
Në një deklaratë, zëdhënësi i YouTube, Paul Pennington tha se kompania ka testuar “një ofertë të re YouTube Premium me shumicën e videove pa reklama” dhe se “shpresojnë ta zgjerojnë këtë ofertë për më shumë përdorues në të ardhmen me mbështetjen e partnerëve”.
Pennington nuk tha në mënyrë specifike sa mund të kushtojë shërbimi.
