Presidenti i Komitetit Olimpik të Kosovës, Ismet Krasniqi, i shoqëruar nga këshilltari i tij, Besim Aliti, kanë pritur sot drejtuesit e Federatës së Tenisit të Kosovës, kryetarin Jeton Hadërgjonaj, sekretaren e përgjithshme, Fjolla Ibishi dhe nënkryetaren, Blerina Mati.
Hadërgjonaj ka uruar presidentin Krasniqi për marrjen e udhëheqjes së Komitetit Olimpik të Kosovës.
Të dyja palët kanë biseduar për gjetjen e formave të bashkëpunimit mes KOK-ut dhe FTK-së.
Krasniqi premtoi bashkëpunim dhe mbështetje për tenisin, ashtu si edhe për federatat tjera.
