Finale legjendare në Pekin ku Alkaraz mundi Siner pas një dueli që zgjati 3 orë e 21 minuta në tri sete (6-7, 6-4, 7-6).
Siner luajti një lojë të fortë madje në fund kishte një avantazh të konsiderueshëm përballë spanjollit pasi në tiebreakun final humbi edhe pse ishte në avantazh 3-0.
Me këtë humbje Siner pëson disfatën e parë pas 14 fitoresh radhazi.
Italiani kishte pësuar humbjen e fundit në Montreal përballë Rublev.
Për Siner, Alkaraz mbetet një tabu pasi në 2024 nuk e ka mposhtur asnjë herë. Triumfi në Pekin për spanjollin ishte i 16-ti në karrierë.
