Në Tetovë dje në ora 11:20, zyrtarët policorë nga SPB Tetovë i kanë privuar T.J.(48), F.J.(20), D.B.(41), J.F.(35), N.A.(36) dhe një 17 vjeçar, të gjithë nga Tetova. Gjatë kontrollit në shtëpinë e T.J., ku ajo jeton me vajzën e saj F.J. dhe djalin 17-vjeçar, ku janë hasur edhe personat e tjerë, të kryer me vendim gjykate, është gjetur dhe sekuestruar kokainë dhe sende me mbetje kokaine.
“Më pas, në komisariat F.J. ka raportuar se D.B. në disa raste e ka çuar në prostitucion dhe se së bashku me J.F. dhe N.A. i mundësoi asaj përdorimin e kokainës”, njoftoi sot MPB.
Personat janë ndaluar në komisariat dhe pas dokumentimit të plotë të rastit ndaj tyre do të bëhen parashtresat përkatëse.
