Furnizmi i pamjaftueshëm i ujit të pijshëm e ka bërë të domosdoshme mbajtjen e depozitave sipër tarracave të pallateve në Tiranë, edhe pse pas tërmetit të nëntorit u premtua elemenimi i tyre.
“Po u hoqën ato gjithë ngelëm pa ujë, sepse uji është me orar."
Në zonën e e Laprakës shprehen se shpeshherë detyrohen ta blejnë ujin.
“Po nuk pate ujë, çfarë do bësh. Çdo ditë blejmë ujë. Uji është kryesorja, banja do ujë, pa ujë nuk rrihet.”
Uji i pakët dhe mungesa e presionit nga rrjeti kryesor furnizues, kanë bërë që edhe katet e para e të dyta të banesave, uji të mos mbërrijë pa ndezjen e pompave, çka krijon kosto shtesë për qytetarët. për blerjen e pajisjeve dhe shpenzim energjie elektrike.
“Me pompë”
Në Laprakë, mund të shohësh dukshëm dhe bidona të mëdhenj me ujë rezrevë të vendosura në ballkonet e dritaret e ndërtesave.
Pavarësisht kësaj problematike, kryetari i Bashkisë Tiranë Erion Veliaj, në faqen e tij zyrtare ka përcjellë mesazhe sensibilizuese për mos shpërdorimin e ujit të pijshëm pa kriter.
Përgjigja e banorëve të zonës së Laprakës, referuar këtij spoti është kjo:
“Kur s’ka shpërdorohet?! “
Banorët shprehen se temperaturat e larta e bëjnë të domosdoshme një furnizim të bollshëm me ujë të pijshëm, ndaj kërkojnë më shumë vëmendje ndaj problematikave të tyre.
