Bashkia e Tiranës ka hedhur shortin e dytë për apartamentet e reja të ndërtuara në lagjen e re, “5 Maji”.
Në to sistemohen 125 familje të mbetura pa strehë pas tërmetit të 26 nëntorit 2019.
Shorti u hodh nga Komisioni i Posaçëm i ngritur me urdhër të kryetarit të Bashkisë së Tiranës, Erion Veliaj, pas verifikimit të dokumentacionit të përgatitur prej dy njësive, nr 8 dhe nr. 4 ku kanë aplikuar familjet që do të strehohen në lagjen e re.
Sipas VKM-së së miratuar nga qeveria në shtator të 2021 banorët që preken nga ky projekt përfitojnë kompensim të plotë, nëpërmjet shkëmbimit të pronës së tyre me objektet e reja që janë ndërtuar, ose po përfundojnë ndërtimin, në lagjen e re “5 Maji”.
Përfituese janë edhe ato familje që i kanë pasur banesat në proces legalizimi. Ata marrin të njëjtën sipërfaqe në metra katrorë, por në godinat e reja dhe me dokumente të rregullta.