Urat që përbëjnë rrezikshmëri do të rikonstruktohen.
Komisioni i Ekonomisë miratoi marrëveshjen me Bankën Ndërkombëtare për Rindërtim dhe Zhvillim e cila ka akorduar një fond prej 51.6 milionë euro për këtë projekt.
Drejtori i Autoritet Rrugor Shqiptar Evis Berberi theksoi se ndërhyrja do të bëhet në ato ura që kanë rëndësi për transportin dhe janë më të dëmtuara.
Zv.ministrja e financave Adela Xhemali tha se kredia e akorduar nga Banka Botërore është me interesa të favorshme.
Ndërhyrja në ura është mbështetur në një analizë që u është bërë disa elementëve të qëndrueshmërisë në urat në vend pas tërmetit të vitit 2019.
Në total në vend numërohen 600 ura.
