Shalqini është një nga frutat më të mirëpritur dhe të dashur të verës.
Mënyra më e përhapur e shijimit të këtij fruti është ndarja në copa dhe servirja e ftohtë.
Megjithatë, ka shumë mënyra të tjera dhe interesante për të shijuar këtë frut dhe përfituar vlerat e mrekullueshme të tij.
Shalqini është një frut i ëmbël dhe i pasur me vitaminat A dhe C.
Si rrjedhojë, ai kombinohet shumë mirë si në shije dhe në vlera me djathin e dhisë dhe menten e freskët.
Kjo recetë më poshtë kërkon djathë dhie të vjetëruar që është pak i fortë dhe me një shije dhe aromë të ndezur e të veçantë.
Por në mungesë të tij mund të përdorni edhe djathë të bardhë të llojeve të ndryshme.
Përbërësit
4 filxhanë me kubikë shalqini
Çerek filxhani me copa djathi dhie
Lëngu i një limoni jeshil
Udhëzimet
Këtë sallatë mund ta servirni në një pjatancë të posaçme ose në pjatë normale.
Mjafton t’i hidhni të gjithë përbërësit në enën e përzgjedhur dhe t’i përzieni me kujdes që të mos prishet forma e kubikëve të shalqinit.
Servireni të ftohtë.
Më poshtë mund të mësoni nga AgroWeb.org, vlerat e mëdha të shalqinit dhe sigurohuni që të mos të mungojë më në tryezat tuaja.
Shalqini është i pasur me amino acide të cilat ulin tensionin e gjakut.
Shëndeti i zemrës përmirësohet edhe nga antioksidantët të cilët ulin rrezikun e atakut në zemër.
Shalqini përmban pigmente natyralë që luftojnë inflamacionin në gjymtyrë.
Disa studime, të cilave u referohet AgroWeb.org, thonë se falë konsumit të shalqinit, njerëzit janë më pak të prekur nga reumatizma ose artriti.
Ngrënia e shalqinit shërben si mburojë për lëkurën.
Antioksidanti likopen ndihmon organizmin edhe ndaj djegieve nga dielli.
Një racion me shalqin plotëson 30% të nevojës ditore për vitaminë A, e cila është thelbësore për shëndetin e syve.
Sipas të dhënave të AgroWeb.org, 92 përqind e përmbajtjes së shalqinit është ujë, ndaj ky frut është ideal për hidratimin e organizmit.
Niveli i glicemisë tek shalqini është 80, por falë karbohidrateve që ai përmban, do të thotë se si frut nuk arrin të rrisë nivelin e sheqerit në gjak.
Njerëzit që vuajnë nga koliti nuk duhet t’i thonë ‘jo’ shalqinit sepse është një frut shumë i lehtë për t’u tretur.
Shalqini është i butë dhe i lëngshëm ndaj nuk i bën dëm stomakut.
