Një 40-vjeçar i quajtur Gentjan Qarri është qëlluar për vdekje nga një makinë sot në Vlorë. Autorët e kanë qëlluar në gjoks viktimën dhe ai ka ndërruar jetë në Spitalin e Vlorës.
Mendohet se kanë qenë dy atentatorë. Atentatorët kanë qenë me kapele dhe me maskë të Covid. Në vendngjarje ka shumë kamera, por maskat bëjnë të pamundur shpesh identifikimin e autorëve.
Rruga është me shumë kalime dhe ndaj favorizon kriminelët, sepse ata arratisen në drejtime të ndryshme. Autorët kanë djegur makinën tek Hidrovori, që është zonë e pandriçuar. Qarri ka qenë i dënuar më parë për trafik droge.
Ndërkohë nëna e viktimës ka shkuar menjëherë në vendin e ngjarjes, ku nuk ka mundur dot t’i mbajë dot lotët duke vajtuar për djalin e saj.