Drita nga Gjilani ka arritur fitore të madhe dhe me rezultat të ngushtë 3:2 kundër kampionit në fuqi, Ferizaj, në ndeshjen e javës së tretë që u zhvillua në palestrën e sportit “Bashkim Selishta-Petriti” në Gjilan.
Drita fiton dy pikë dhe Ferizaj një.
“Djemtë e Dritës vazhdojnë furishëm në edicionin pranveror në Superligën e volejbollit të Kosovës, nga 3 ndeshje të luajtura deri më tani 3 fitore dhe sonte në Gjilan mposhtet kampioni aktual, KV Ferizaj”, shkruan në faqen e KV Drita (meshkuj).
Drita është në vend të dytë me 28 pikë, ka një me pak se Ferizaj, lider në Superligën A.
