Në Pejë dhe në Gjilan janë zhvilluar garat çerekfinale të grupmoshës U16 në konkurrencën e femrave.
Garat u zhvilluan në dy grupe ku tetë ekipet fituese nga grupet u takuan në mes veti në çerekfinale.
Në Pejë, në Q.S.R. Suti Sport pjesëmarrëse ishin skuadrat: Suti Sport, Malisheva, Gjinoci dhe Prishtina Elite. Pas shumë ndeshjeve interesante në play off u kualifikuan Suti Sport dhe Gjinoci.
Në Gjilan ekipet pjesëmarrëse ishin skuadra e Dritës, Ulpiana, Feniks dhe AS Vushtrria. Edhe në Gjilan u zhvilluan ndeshje mjaft rivalizuese dhe atraktive. Pas rezultateve të arritura në play off u kualifikuan Feniks dhe Ulpiana.
Ndeshjet gjysmëfinale dhe finalet e play - off-it U16 në të dyja konkurrencat do të zhvillohen të dielën në Pejë, në Q.S.R. Suti Sport, ku edhe do te kemi Kampionët në këtë grupmoshë.