Të enjten, Drita dhe Fer Volley ndeshen në përballjen e dytë të finales së madhe të playoffit 2022, në konkurrencën e femrave.
Në takimin e parë, "Intelektualet" triumfuan me rezultat bindës në sete, 3-0, por ishte luftë e fortë nga Fer Volley në secilin set - 25-20, 25-21, 25-21.
Me një fitore eventuale, Drita do t'i ofrohej edhe më shumë titullit, i cili sigurohet me tri fitore. Megjithatë, Fer Volley luan si nikoqire dhe duhet të jetë e motivuar për të bërë më shumë, sidomos pas disa momenteve premtuese që pati në ndeshjen e parë.
Përballja zhvillohet të enjten, me fillim nga ora 20:15 dhe transmetohet direkt në RTK4.
