Kryetari i komunës së Ferizajt, Agim Aliu, priti volejbollistet, të cilat po garojnë me sukses në sportin e Beach Volleyt.
Ai i përgëzoj për sukseset që po shënojnë edhe në rrafshin ndërkombëtar.
“Kënaqësi e veçantë të mirëpres sot, vajzat kampione të Kampionatit U20 në Beach Volley, Yllka Jashari dhe Melirona Avdullahu, ku në finale arritën edhe vajzat Agnesa Koxha e Laura Zeneli, gjersa nga ekipi debutues vajzat Legjenda Sejdiu e Bardha Kurti, zunë vendin e pestë nga 15 ekipe pjesëmarrëse në këtë kampionat.
Përgëzime ekipit dhe trajnerëve Vildane Jashari e Kujtim Ilazi, për sukseset e treguara, për të cilat do t'i ofrojmë mbështetjen tonë”, ka shkruar Aliu në profilin e tij në facebook.
