Ish-kapiteni i SHBA-ve në volejboll, ylli i kësaj kombëtare, volejbollisti me origjinë shqiptare Donald Suxho, të dielën qëndron për vizitë në Kosovë.
Suxho, me origjinë nga Korça, ka prekur majat e volejbollit botëror, nga Kampionatet Botërore e deri te Lojërat Olimpike, në të cilat ishte edhe kapiten i SHBA-ve.
Donald Suxho të dielën pritet në selinë e FVK-së nga presidenti Bahri Gjinovci dhe përzgjedhësi Lorik Ilazi, derisa vizita e tij do të jetë e hapur edhe për mediat e interesuara.
Takimi i Suxhos me drejtuesit e FVK-së do të bëhet të dielën në orën 17:00.
Ai për herë të dytë e viziton vendin tonë dhe dashurinë e mbështetjen e tij për Kosovën e Shqipërinë, e ka dëshmuar edhe në të kaluar, përmes mbështetjes direkte me përvojën e dijeninë e tij.
