Me ndeshjen Skënderbeu-Teuta, 3-0, luajtur në Korcë, është mbyllur java e 4-t e Superligës në volejboll për femra. Një ndeshje e dominuar dhe fituar me meritë nga skuadra vendase, kampione e Shqipërisë, që pati epërsi gjatë gjithë kohës.
Në të trija setet, skuadra e Skënderbeut shkëputej që në pikët e para dhe thellonte diferencën me kalimin e kohës: 25-16, 25-13, 25-10 rezultati i tri seteve. Falë këtij triumfi, Skënderbeu ngjitet në krye të renditjes me 12 pikë të plota, duke mos iu ndarë Partizanit.
Superliga-Femra, java e 4-t
Korabi – Tirana, 0-3
Lushnja – Vllaznia, 1-3
Barleti Volley – Partizani, 0-3
Skënderbeu – Teuta, 3-0
Renditja: Partizani 12 pikë, Skënderbeu 12 pikë, Tirana 9 pikë, Barleti Volley 8 pikë, Lushnja 4 pikë, Vllaznia 3 pikë, Teuta 0 pikë, Korabi 0 pikë.
