Superliga A, meshkujt: Ndeshja e mbetur nga java e dytë, Ferizaj-Luboteni, zhvillohet të enjten
Takimi i shtyer nga java e dytë e sezonit të ri në Superligën A të Kosovës, meshkujt, do të zhvillohet të enjten, 03.11.2022, në palestrën "Bill Klinton", me fillim nga ora 20:00.
Kjo përballje ishte shtyrë për shkak të angazhimeve të Lubotenit në "Challenge Cup", që u zhvillua në Izrael.
Pas pesë ndeshjeve të luajtura, Luboteni pozicionohet në vendin e fundit në tabelë me tre pikë, ndërsa Ferizaj zë pozitën e katërt me gjashtë pikë.
