Fer Volley ka arritur një fitore të rëndësishme si nikoqire e M-Technologie, në përballjen e vlefshme për xhiron e shtatë të Superligës A, femrat.
Ishte një përballje interesante, me ferizajaset që fituan setin e parë me lehtësi, 25-12. Mirëpo, në setin e dytë M-Technologie u rikthye dhe e fitoi me dominim, 14-25.
Setin e tretë, Fer Volley e fitoi me rezultat 25-21, për të arritur pikët e plota me fitoren në setin e katërt, 25-21.
Pas kësaj fitoreje, Fer Volley grumbullon 13 pikë, ndërsa M-Technologie ka 6 pikë të fituara.
