KV Drita - Femrat dhe Kv M-Technologie Club Volley prekin gjysmëfinalet e Kupës së Kosovës
M-Technologie ka arritur në gjysmëfinale të Kupës së Kosovës, pasi mposhti në çerekfinale Kastriotin, të mërkurën mbrëma.
Ekipi nga Prishtina triumfoi me rezultat 3-0 (25-21, 25-15, 25-17), në një paraqitje dominuese ndaj rivalit nga Superliga B.
Mysafiret paraqitjen më të mirë e patën në setin e parë por, pavarësisht kësaj, asnjëherë nuk u duk se nikoqiri nga Superliga A do ta lëshonte fitoren nga duart.
Në gjysmëfinale, M-Technologie do të takohet me Dritën, e cila mposhti Skenderajn në përballjen tjetër çerekfinale sonte në Gjilan.
Ekipi kampion i Kosovës në volejboll fitoi me rezultat 3-1 kundër rivaleve nga Skenderaj, në një ndeshje interesante që përcolli rivalitetin në këtë kompeticion nga Superliga A.
"Intelektualet" triumfuan me rezultat 3:1 (25:20, 25:22, 18:25, 25:14), me setin e tretë që ishte i vetmi ku u dominuan nga kundërshtaret.
Lojë e fortë u zhvillua edhe në setin e dytë, ndërsa dominimin nikoqiret e vulosën në setin e katërt.
