Pasi ka përfunduar sezoni i rregullt në volejboll, janë përcaktuar ekipet që do të vijojnë më tej konkurrimin për fitimin e titullit kampion në të dyja kategoritë.
Sipas formulës, dy ekipet e para shkojnë direkt në gjysmëfinale.
Kështu, Partizani e Skënderbeu për femra si dhe Partizani e Erzeni për meshkuj, kanë prerë një biletë për në gjysmëfinalet e play off, që nisin pas 7 apo 10 ditësh, në bazë të rezultateve që do të dalin në fazën çerekfinale.
Në çerekfinale, në të dyja kategoritë, luajnë skuadrat e renditura në vendet 3-6, që do të përballen mes tyre me eliminim direkt, me sistem vajtje-ardhje. Ndeshjet e para luhen sot dhe nesër, ndërsa ato të kthimit më datat 1-2 prill.
Meshkuj, çerekfinale-Play off
Skënderbeu – Vllaznia, 29 mars
Tirana – Studenti, 29 mars
Vllaznia – Skënderbeu, 1 prill
Studenti – Tirana, 1 prill
Femra, çerekfinale play off
Vllaznia – Barleti Volley, 30 mars
Tirana – Lushnja, 30 mars
Barleti Volley – Vllaznia, 2 prill
Lushnja – Tirana, 2 prill
