Fushë Kosova mposht Suti Sportin dhe mbetet në Superligën A!
Fushë Kosova ka fituar ndeshjen e Playoutit, duke siguruar mbijetesën në Superligën A, femrat, edhe për një edicion, pasi të dielën mposhti nënkampionin e Superligës B, Suti Sport.
Fushë Kosova triumfoi me rezultat 0:3 (12:25, 19:25, 19:25), në një përballje të dominuar në palestrën "Better Life", në Lipjan.
Rezistencën më të madhe Suti Sport e tregoi në setin e dytë dhe tretë, duke ngushtuar diferencën në gjashtë pikë, por që nuk mjaftoi për të siguruar pjesmarrjen në kampionatin elitar të volejbollit të Kosovës.
