Golden Eagle Theranda ka arritur të sigurojë mbijetesën dhe pjesmarrjen në Superligën A, meshkujt, edhe për sezonin e ardhshëm, pas fitores të së dielës mbrëma kundër Prishtinës në Playout.
Therandasit triumfuan me rezultat 0-3 (17-25. 10-25, 17-25), në një ndeshje të dominuar nga ta në Palestrën "Better Life" në Lipjan.
G.E Theranda tregoi superioritet në të tre setet, ndërsa kryeqytetasit u munduan të bëjnë më shumë në setin e tretë, por nuk arritën të evitojnë disfatën.
Kështu, Prishtina vazhdon rrugëtimin në Superligën B, meshkujt (perëndim), ndërsa G.E Theranda do të vazhdojë garat në Superligën A.
