Na pret një verë e gjatë dhe me shumë aksion e spektakël që di të sjellë vetëm volejbolli në rërë.
Siç ndodh përvitshëm, Federata e Volejbollit të Kosovës (FVK) edhe këtë vit ka në program organizimin e garave të grupmoshave zinxhirë të Beach Volley.
Sezoni i spektaklit në Beach Volley që na servohet verë pas vere, fillon më 10/11 qershor, kur do të zhvillohen garat e seniorëve në të dy konkurrencat.
Një javë më vonë, volejbollistët/et nën 22-vjeç do të masin forcat për epitetin e dyshes më të mirë, ndërsa në datat e paraqitura grafikisht do të zhvillohen edhe garat e shpresave të volejbollit kosovar, U20 dhe U18 në të dy konkurrencat.
FVK është e ngazëllyer të njoftojë hapjen e sezonit të Beach Volley nga muaji i ardhshëm.
