Kosova U22 vazhdon përgatitjet për kualifikueset e Evropianit!
Kombëtarja U22 e Kosovës, femrat, po i vazhdon përgatitjet intensive në kampin në Skenderaj, ku do të punojë për 11 ditë, para nisjes për në Çeki për kualifikueset e Kampionatit Evropian.
Vashat "Dardane" po stërviten nga dy herë në ditë, nën drejtimin e selektorit Ylli Kadriu, ndërsa grupi po ngritë nivelin vazhdimisht nga dita në ditë, para sfidave tejet të vështira në Grupin C, ku bëjnë pjesë edhe Çekia, Turqia dhe Austria.
Kujtojmë se këto kualifikuese do të luhen mes datave 20-23 korrik, 2023.
