Në sallën e lojërave të “Farka Volley”, u zhvillua ndeshja e vlefshme për raundin e dytë të Challenge Cup në kupat e Europës mes Tiranës në volejboll për meshkuj dhe ekipit gjerman të Helios Grizzlys Giesen.
Skuadra mike fitoi 3-1 këtë sfidë, duke hedhur një hap të madh drejt kualifikimit në fazën tjetër.
Miqtë nga Gjermania fituan 25-16 setin e parë, ndërsa në të dytin janë bardheblutë që luajnë më mirë dhe fitojnë 25-23.
Më pas loja komandohet nga skuadra gjermane e Giesen, që fiton dy setet e tjera 25-20 e 25-16, duke triumfuar me meritë. Pas një jave, në Gjermani, do të luhet ndeshja e kthimit e raundit të dytë të Challenge Cup.
