Pas testeve në miqësoret e zhvilluara në Shqipëri, Kombëtarja A e vajzave, ka vazhduar me grumbullimin e radhës, të cilin po e mban në Skenderaj.
“Seria e stërvitjeve të përbashkëta ka sjellë rezultat dhe kjo paraqitje pritet të rritet edhe më shumë, deri në testin final, te kualifikimet për CEV EuroVolley.
Volejbollistet tona po punojnë me përkushtim për të qenë sa më të përgatitura për përballjet e ardhshme.
Te femrat, Kosova është në grup me Rumaninë dhe Kroacinë, dy rivalë shumë cilësorë. Kampanja e kualifikimeve do të hapet me ndeshjen ndaj Kroacisë, e cila do të luhet si vendase më 17 gusht 2024, nga ora 20:00 në Gjilan.
Federata e Volejbollit e Kosovës (FVK) është e përkushtuar për të bërë më të mirën që djemtë dhe vajzat tona të na përfaqësojnë në mënyrën më të mirë në kualifikimet për CEV EuroVolley”, njofton FVK..
