KV Ferizaj ka shënuar një fitore të pastër 3:0 (25:23, 25:20, 25:23) ndaj KV Prishtina 75 në xhiron e 10-të të Superligës, duke treguar dominim dhe përqendrim të lartë gjatë gjithë ndeshjes.
Seti i parë ishte mjaft i luftuar, me Prishtina 75 që qëndroi afër, por Ferizaj arriti ta mbyllë me rezultat të ngushtë 25:23.
Në setin e dytë, Ferizaj e rriti tempin dhe e siguroi avantazhin me rezultat 25:20.
Seti i tretë ishte po ashtu i ngushtë, por përkundër përpjekjeve të Prishtinës 75, Ferizaj e mbylli sërish me 25:23, duke siguruar tri pikë të mëdha.
