Në qytetin e bukur të Galipolit të Italisë, po mbahet turneu ndërkombëtar i volejbollit Caroli Cup, për grupmoshat U14.
Në mesin e shumë ekipeve nga Italia dhe vende të tjera të Evropës, për herë të parë po merr pjesë edhe një ekip nga Kosova, Prishtina Elite.
Skuadra jonë po shkëlqen në këtë turne prestigjioz, duke u kualifikuar në finale me rezultate maksimale dhe pa asnjë humbje!
Rezultatet:
Prishtina Elite - Melendugno Volley 2:0
Prishtina Elite - PSA Matera 2:0
Prishtina Elite - Orsa Capurso – 2-0
Prishtina Elite - Cutrofiano Volley 2:0
Këto fitore janë arritur edhe nën atmosferën e zjarrtë shqiptare.
Nën drejtimin e trajnerit të shkëlqyer Kastriot Azemi, ekipi ynë tregoi lojëra të jashtëzakonshme, duke fituar respektin dhe admirimin e të gjithë pjesëmarrësve.
Finalja historike zhvillohet nesër, duke filluar nga ora 18:00, dhe ne shpresojmë që seria e fitoreve të mbyllet me një trofe të rëndësishëm për klubin tonë dhe sportin kosovar.
Zyrtarët e Prishtina Elite i falënderon të gjithë mbështetësit, veçanërisht për shqiptarët që krijuan një atmosferë të jashtëzakonshme në ndeshjet tona.
