Drita regjistroi një fitore të pastër ndaj Golden Eagle Therandës, duke treguar dominim të qartë në secilin set të zhvilluar.
Skuadra nga Gjilani e nisi ndeshjen me intensitet të lartë, duke fituar setin e parë me rezultat 25:20.
Seti i dytë ishte më i balancuar, por Drita arriti të ruajë epërsinë, duke e mbyllur 25:22.
Në setin e tretë, Drita tregoi qartësisht forcën e saj dhe mbylli ndeshjen me një fitore bindëse 25:17.
Me këtë sukses, Drita arrin në kuotën e 30 pikëve dhe ngjitet në vendin e tretë të tabelës.
Golden Eagle Theranda, nga ana tjetër, mbetet në pozitën e pestë me 18 pikë pas 14 xhirove të zhvilluara.
