Fer Volley mposhti Dritën me rezulta 3:0 (27:25, 25:16, 25:23).
Fer Volley nga Ferizaj vazhdon të dominojë në Raiffeisen Superligën A për femra, duke regjistruar fitoren e 14-të radhazi pa pësuar asnjë humbje këtë sezon.
Skuadra nga Ferizaj tregoi edhe një herë forcën e saj, duke fituar setin e parë në një përballje të ngushtë 27:25, për të vazhduar me dominim në setin e dytë 25:16.
Në setin e tretë, Drita luftoi për të qëndruar në lojë, por Fer Volley arriti ta mbyllte ndeshjen me një fitore 25:23.
Me këtë triumf, Fer Volley mbetet skuadra e vetme e pamposhtur në kampionat, duke ruajtur një rekord të përsosur në 14 ndeshjet e para.
Drita, megjithatë, qëndron në kuotën e 25 pikëve dhe vazhdon të mbetet në top-4 të renditjes.
