Janë përcaktuar skuadrat finaliste të Kupës së Shqipërisë në volejboll për meshkuj dhe femra. Partizani-Tirana për meshkuj dhe Skënderbeu-Tirana për femra janë dy çiftet finaliste.
FEMRAT – Ashtu sikurse edhe pritej, Skënderbeu kampion dhe Tirana janë dy ekipet që do të duelojnë për trofeun e Kupës së Shqipërisë. Skënderbeu fitoi 3-0 ndaj Partizanit në gjysmëfinalen e dytë luajtur në Korçë (25-19, 25-16, 25-13).
Eliminohet Partizani, që ishte pretendent, por që u “dorëzua” shpejt. Pa probleme fiton edhe Tirana, që në “Fahrie Hoti” mposhti 3-0 Teutën (25-21, 25-16, 25-9) në kryeqytet.
MESHKUJT – Partizani arriti të mposhtë sërish 3-0 Skënderbeun edhe në gjysmëfinalen e dytë (25-22, 25-16, 25-22), në një ndeshje të ekuilibruar, korçarët patën pretendime, por pa sukses.
Mjaft i bukur derbi mes Tiranës dhe Studentit, me bardheblutë që fituan 3-0 (25-19, 25-23, 25-21), duke avancuar më tej. Kështu, në finale do të luhet një derbi i fortë i kryeqytetit.
Gjysmëfinale-Femra
Teuta – Tirana, 2-3
Tirana – Teuta, 3-0
Partizani – Skënderbeu, 1-3
Skënderbeu – Partizani, 3-0
Finale-Femra
Skënderbeu – Tirana
Gjysmëfinale-Meshkuj
Skënderbeu – Partizani, 0-3
Partizani – Skënderbeu, 3-0
Studenti – Tirana, 0-3
Tirana – Studenti, 3-0
Finale-Meshkuj
Partizani – Tirana
