Drita ka siguruar një vend në finalen e Ligës Gjergj Kastrioti, duke mposhtur Skënderbeun nga Korça me rezultat 3:1.
Me këtë triumf, skuadra nga Gjilani ia pamundësoi Skënderbeut që të synojë edhe titullin e katërt në këtë garë.
Drita e dominoi setin e parë, duke fituar me rezultat të thellë 15:25.
Në setin e dytë, Skënderbeu u rikthye më i motivuar dhe bëri një rezistencë më të madhe, por Drita arriti ta fitonte edhe këtë me shifrat 23:25.
Në setin e tretë, Skënderbeu reagoi fuqishëm, duke fituar 25:19 dhe duke mbajtur gjallë shpresat për përmbysje. Megjithatë, në setin e katërt, Drita tregoi përse është një nga skuadrat pretendente të këtij edicioni, duke e mbyllur ndeshjen me fitoren 23:25.
Për herë të parë, finalja (më 2 mars) e femrave në Ligën Gjergj Kastrioti do të jetë me dy ekipe nga Kosova, pasi më herët edhe Ferizaj siguroi kualifikimin.
