Suti Sport është mposhtur me rezultat 0:3 (16:25, 14:25, 17:25) nga Fer Volley i Ferizajt, në takimin e javës së 16-të të Superligës së Kosovës në volejboll.
Fer Volley nga Ferizaj është rikthyer te rezultatet pozitive pas disa luhatjeve në formë në ditët e fundit, në Ligën Gjergj Kastrioti dhe Kupën “Adem Jashari.
Skuadra ferizajase dominoi Suti Sportin, duke siguruar një fitore të pastër 3:0 dhe duke vazhduar rrugën drejt kreut të tabelës.
Me këtë triumf, Fer Volley përforcon edhe më shumë pozitën e parë, duke mbetur një prej skuadrave kryesore në garën për titull.
Fer Volley mbetet poashtu skuadra e vetme me bilanc 100%, me 16 fitore nga po aq ndeshje.
Në anën tjetër, Suti Sport mbetet në fundin e tabelës, pa arritur të gjejë rrugën drejt rezultateve pozitive.
