Ekipi i Skenderajt është i përgatitur maksimalisht dhe zotohet se do të kalojë në gjysmëfinale të Kupës së Kosovës në volejboll.
Vashat e Skenderajt janë mirë të përgatitura dhe i dijnë dobësitë e Dritës së kryetrajnerit Lorik Ilazi.
Skenderaj kësaj radhe nuk do të paraqitet në palestrën e tyre por në qytetin fqinj në Mitrovicë.
Megjtihatlë janë të gatshme për çerekfinale.
“Ndeshja çerekfinale e Kupës së Kosovës në volejboll mes KV Skenderaj dhe KV Drita do të zhvillohet të mërkurën (19.00) në palestrën “Minatori” – Mitrovicë.
Kjo ndryshon nga palestra e zakonshme “Ilaz Kodra”, e cila nuk do të jetë e disponueshme për shkak të ceremonisë mortore pas ndarjes nga jeta të babait të ish-Presidentit të Kosovës, z. Hashim Thaçi. Me këtë rast, i shprehim ngushëllimet tona më të sinqerta familjes Thaçi.
Ftojmë të gjithë tifozët dhe dashamirësit e volejbollit të jenë të pranishëm për të mbështetur skuadrat e tyre në këtë përballje të rëndësishme”, ka njoftuar KV Skenderaj.
