(E plotësuar) - Distria Krasniqi do të luftojë për medalje të artë pasi e mposhti pas vazhdimeve xhudisten italiuane, Odette Giuffrida.
Në finale, Distria do të përballet me xhudisten franceze, Amandine Buchard.
Distria Krasniqi e ka arritur gjysmëfinalen e Evropianit të xhudos që po mbahet në Montpellier të Francës.
Kampionia olimpike në kategorinë deri në 52 kilogramë e eliminoi në çerekfinale xhudisten nga Azerbajxhani, Gultaj Mammadaliyeva.
Distria Krasniqi ka arritur të kualifikohet në çerekfinale të Kampionatit Evropian të xhudos që po mbahet në Montpellier të Francës.
Kampionia olimpike e mundi me IPPON xhudisten kroate, Ana Viktorija Puljiz.
E çerekfinalen nuk e arriti Flaka Loxha, e cila u mund nga xhudistja serbe, Marica Perisic në raundin e dytë në kategorinë deri në 57 kilogramë.
Sot garon gjithashtu edhe Nora Gjakova, e cila është në raundin e dytë aktualisht dhe pas pak përballet me polaken, Arleta Podolak.
