Kryeministri i Kosovës, Albin Kurti, është takuar me xhudisten Distria Krasniqi, pasi fitoi medaljen e argjendtë në Lojërat Olimpike Paris 2024.
Kurti ka thënë për Krasniqin se ajo ka një qëndrim dhe vështrim prej shqiponje të Bjeshkëve të Rugovës.
“Kosova ka fituar medaljen e saj të parë në @Paris2024, e sjellë nga xhudistja jonë shembullore, Distria Krasniqi.
Kjo medalje argjendi është medalja e saj e dytë olimpike.
Nuk ka një mesazh më të fuqishëm sesa ai që talenti, puna e palodhur dhe këmbëngulja barazojnë me shkëlqimin në skenën më të lartë”, ka shkruar Kurti në “X”.
