Mposhtet Akil Gjakova, mbetet pa medalje në Lojërat Olimpike

Xhudistit kosovar, Akil Gjakova është mposhtur nga japonezi, Soichi Hashimoto duke bërë të jetë i pesti në rënditje dhe pa ndonjë medalje të siguruar në Lojërat Olimpike “Paris 2024”.

Akil Gjakova u mposhtë në gjysmëfinale nga Heydarov i Azerbajxhanit.

Gjakova e humbi meçin në “Golden Score”, derisa tash i mbetet të luftojë për medaljen e bronztë.

Akil Gjakova gjatë rrugëtimit të tij për në finale arriti që fillimisht të triumfojë ndaj Daniel Cargnin nga Brazili, për t’u kualifikuar tutje.

Pastaj, kundërshtari i radhës ishte Samuel Gassner nga Austria, derisa siguronte çerekfinalen.

Aty, xhudisti kosovar u përballë me italianin, Manuel Lombardo, i cili ishte ‘viktima e radhës’ e Akil Gjakovës.

Akil Gjakova e ka siguruar gjysmëfinalen e xhudos në kuadër të Lojërave Olimpike “Paris 2024”.

Akili arriti të triumfojë ndaj Manuel Lombardo, në kategorinë -73kg.

Tash, garuesi kosovar është afër sigurimit të medaljes për shtetin tonë.

Deri këtu, Akili arriti pasi në fazën e dytë eliminoi austriakun Samuel Gassner me Ippon, kurse në rrethin e parë ndaj brazilianit, Daniel Cargnin.

Akil Gjakova ka regjistruar fitoren e dytë në Lojërat Olimpike Parisi 2024.

Ai ka fituar sërish me Ippon teksa ka mposhtur rivalin nga Austria, Samuel Gassner duke u kualifikuar kështu në çerekfinale.

Akili në çerekfinale do të ndeshet me Manuel Lombardon nga Italia.

Lombardon Akili e kishte mundur në finalen e Kampionatit të Hapur Evropian në Prishtinë.

Pas fitores që mori në raundin e parë ndaj xhudistit brazilian Daniel Cargnin, Gjakova ka arritur me sukses të sigurojë kualifikimin në fazën çerekfinale.

Xhudisti kosovar arriti që në raundin e dytë ta mposht austriakun Samuel Gassner për të vazhduar misionin drejt medaljes olimpike.

Këtë fitore Akili e mori me stil, duke fituar me Ippon dhe duke vazhduar në mesin e tetë xhudistëve më të mirë.

Në çerekfinale, Akili nuk do të ketë një punë aspak të lehtë pasi do të përballet me ish-kampionin botëror të xhudos, italianin Manuel Lombardo i cili në raundin paraprak mposhti tajlandezin Masayuki Terada.

Lombardo nuk është një kundërshtar i panjohur për Akilin, pasi atë e kishte mundur në finalen e Kampionatit të Hapur Evropian në Prishtinë.

Xhudistja Nora Gjakova, është eliminuar nga Lojërat Olimpike ‘Paris 2024’ pas humbjes që pësoi në kategorinë -52 kilogramë.

Kundërshtarja e Gjakovës ishte xhudistja mongoleze Enkhriilen Lkhagvatogoo.

Në një duel ku Gjakova kishte momentet e saj të mira, ajo nuk ia doli që ta fitojë duelin,

Ajo u eliminua për shkak të tri gabimeve që në raundin e parë.

Akil Gjakova e ka nisur aventurën në Lojërat Olimpike ‘Parisi 2024’ në kategorinë deri në 73 kilogramë në xhudo.

Kundërshtari i parë i Akil Gjakovës ishte braziliani Daniel Cargnin.

Xhudisti nga Kosova e ka fituar luftën e parë, pasi mposhti brazilianin duke kaluar në rrethin tjetër.

Gjakova pas fillimit të vështirë arriti ta mposht brazilianin me Ippon. 

Xhudistja Distria Krasniqi dje na bëri krenarë duke fituar medaljen e argjendtë në Lojërat Olimpike “Paris 2024”.

Kurse sot do të garojnë tre sportistë tanë, përkatësisht në xhudo dhe boks.

Akil dhe Nora Gjakova do të garojnë në xhudo në kategoritë e tyre (ndeshjet nisin nga ora 10:00 deri 14:00)

Kurse në boks garon Donjeta Sadiku (ora 20:00 – 20:30). Ajo meçin e parë e ka fituar.