Kryetari i PDK-së, kandidati për kryeministër, Enver Hoxhaj, ka zhvilluar sot një bisedë me presidentin e Forumit Botëror Ekonomik, Borge Brende, me të cilin ka biseduar rreth planit të PDK-së për Rimëkëmbjen ekonomike të Kosovës.
Hoxhaj, përmes një statusi në Facebook, ka thënë së bashkë me Brende, u pajtuan të punojnë në krijimin e një kornize të bashkëpunimit që Kosovën mund ta shndërrojë në qendër kryesore për investime nga shtete dhe korporata të mëdha globale.
Ndër tjerash, Hoxhaj tregoi se Forumi Ekonomik Botëror është i gatshëm ta mbështesë prezencën e Kosovës në të gjitha ngjarjet me ndikim global, për t’i prezantuar mundësitë investuese.
Postimi i plotë:
Një bisedë e shkëlqyer me Presidentin e Forumit Ekonomik Botëror (WEF), Borge Brende, të cilit ia prezantova planin tonë për #Rimëkëmbjen ekonomike të Kosovës.
U pajtuam që të punojmë së bashku për krijimin e një kornize të bashkëpunimit, që Kosovën mund ta shndërrojë në qendër kryesore për investime nga shtete dhe korporata të mëdha globale.
Forumi Ekonomik Botëror është i gatshëm ta mbështesë prezencën e Kosovës në të gjitha ngjarjet me ndikim global, për t’i prezantuar mundësitë investuese.
Forumi më i madh dhe më me ndikim në botë do të jetë një platformë e prezantimit të Kosovës në botë.
Mirënjohës ndaj presidentit dhe mikut tim, Borge Brende, për mbështetjen që do t’i japë Kosovës.
#Rimëkëmbje 134
#HoxhajKryeministër 1
