Kryetari i LVV-së, Albin Kurti, ishte në Gjakovë. Atje u prit nga qytetarë të shumtë të cilët sipas tij kishin një entuziazëm të madh për ndryshim.
“Qytetarët e dijnë, se pas çlirimit dhe shpalljes së pavarësisë, këto zgjedhje janë momenti i tretë historik për vendin tonë”, ka shkruar Kurti në Facebook.
Postimi në Facebook:
Entuziazmi për ndryshim kurrë nuk ka qenë më i madh se sot në Gjakovë. Qytetarët e dijnë, se pas çlirimit dhe shpalljes së pavarësisë, këto zgjedhje janë momenti i tretë historik për vendin tonë.
Po të mos ishte pandemia, gjakovarët do ta mbushnin stadiumin e qytetit. Por kështu si është me 14 shkurt do të mbushin kutitë e votimit, në mënyrë që shumicën popullore ta shndërrojmë në shumicë parlamentare.
