Kreu i VV-së, Albin Kurti ka mbajtur sot një fjalim para qytetarëve në Prishtinë, ku edhe e kishte tubimin me përkrahësit e tij.
Në përmbyllje të fushatës elektorale, Kurti tha se 14 shkurti do të jetë si shi bereqeti për popullin
“Në zgjedhjet e së dielës, mbështetje për ne do të jetë si shi i madh bereqeti për popullin e si vërshim lamtumirës për pushtetin. Me fitoren e 14 shkurtit e bukura fiton mbi shëmtinë e drejta fiton mbi padrejtësinë. E vërteta fiton mbi mashtrimin, puna fiton mbi dembelinë, besa do të fitojë mbi tradhtinë, bashkëpunimi fiton mbi servilitetin, natyra mbi tymin dhe betonin”, tha Kurti.
Ndryshe, sot është dita e fundit e fushatës për partitë politike.
Nesër do të jetë heshtje zgjedhore teksa të dielën do të mbahen zgjedhjet.
