Media zvicerane Blick.ch, ka zbuluar detaje nga tentim vrasja e një gruaje nga Kosova, nga burri i saj.
Blick.ch raporton se 46 vjeçari zviceran Ardit S. u përpoq të vriste gruan e tij Besime S. në Schafisheim të Kantonit Aargau, të premten rreth orës 1 pas mesnate.
44-vjeçarja nga Kosova e dëmtuar rëndë, tani gjendet në kujdesin intensiv, ndërsa burri i saj u arrestua nga Policia, përcjell Bota sot.
Sipas këtij mediumi, dhunën e ka raportuar në polici bija e çifit, e cila ka treguar se debati mes prindërve të saj ishte përshkallëzuar.
Sondazh online: Kush duhet të bëhet kryetar i LDK-së?
Shërbimet e ndihmës së shpejtë e gjetën pa shenja jetë në shtrat shqiptaren, të cilën më pas e kthyen në jetë dhe e dërguan menjëherë në spital.
“46-vjeçari, i cili punon për një kompani të madhe teknologjike në rajon, lejoi që të arrestohej pa rezistencë. Gjetjet fillestare tregojnë për një përpjekje për vrasje", tha raporti i policisë, përcjell Bota sot.
Sidoqoftë, rrethanat dhe motivet e sakta të krimit janë ende plotësisht të paqarta. Policia e kantonit Aargau ka filluar hetimet e tyre dhe zyra e prokurorit publik ka hapur gjithashtu një hetim penal.
Në lagje vështirë mund të besojnë se ka ndodhur një gjë e tillë në familjen me shtëpinë e mbajtur mirë.
"I kemi parë të dy duke ecur së bashku herë pas here", thotë një banor matanë rrugë. “Asgjë nuk tregonte kurrë se diçka e tillë mund të ndodhte midis Besimes dhe Ardit S”, thanë ata..Fqinjët gjithashtu i thanë transmetuesit rajonal "Tele M1" se familja ishte në të vërtetë e integruar mirë./Botasot
