Ministri i Tregtisë dhe Industrisë, Vesel Krasniqi ka paralajmëruar plotësim ndryshim të Ligjit për Investime Strategjike.
Ai ka thënë se me ndryshimet e parapara investitorët e mundshëm do të kenë shume favore dhe përparësi, duke u eliminuar shumë procedura burokratike që kanë qenë deri tash.
Për këtë temë e ka njoftuar zëvendës ambasadorin e Britanisë së Madhe në Prishtinë, Jacob Webber me të cilin ka diskutuar për raportet dhe nivelin e bashkëpunimit ndërmjet Republikës së Kosovës dhe Britanisë së Madhe.
Postimi i plotë i ministrit Krasniqi:
Zhvillova sot një takim virtual me zëvendës ambasadorin e Britanisë së Madhe në Prishtinë, Jacob Webber me të cilin diskutuam për raportet dhe nivelin e bashkëpunimit ndërmjet Republikës së Kosovës dhe Britanisë së Madhe.
Falënderova zv/ambasadorin për ndihmën dhe mbështetjen që Britania i ka dhënë Kosovës në periudha të ndryshme.
Diskutuam edhe për situatën me pandeminë ku e njoftova për angazhimin institucional të Qeverisë së Kosovës për tu dalë në ndihmë bizneseve.
Një çështje tjetër për të cilën biseduam ishte edhe ligji për investime strategjike, konkretisht plotësim-ndryshimi i këtij ligji.
E informova që me ndryshimet e parapara investitorët e mundshëm do të kenë shume favore dhe përparësi, duke u eliminuar shumë procedura burokratike që kanë qenë deri tash.
V.K
