Në rrjetet sociale, gjatë ditës së sotme qarkulloi një fotografi ku shihet zyrtari i Lëvizjes Vetëvendosje nga Gjilani, Ismajl Kurteshi, në takim me ish nënkryetarin e Komunës së Gjilanit, Bozhidar Periq.
Madje, në mbishkrimin e kësaj fotografie thuhej se Kurteshi po i kërkonte Periqi-t mbështetjen për kandidatin e LVV-së për kryetar të Gjilanit.
E këtyre shkrimeve i është kundërpërgjigjur në një postim në Facebook vet Kurteshi.
Ai ka thënë se Periq nuk ka të drejt vote në Gjilan ngase vjen nga komuna e Parteshit, duke shtuar se LVV nuk ka angazhuar askënd për të negociuar në lidhje me koalicionet.
Më poshtë sqarimi i plotë i Kurteshit:
Sqarim
LDK në Gjilan e ka publikuar sonte një foto nga një takim i rastit me ish nënkryetarin e Komunës së Gjilanit z. Periq në Qendrën Tregtare “AGMIA’ Në Gjilan, kinse për të kërkuar vota për VV-në.
E vërteta është se:
1. Zoti Periq është nga Komuna e Parteshit dhe nuk ka te drejtë vote në Gjilan.
2. Qendra e Lëvizjes Vetëvendosje në Gjilan nuk e ka mandatuar askënd për të negociuar me subjektet tjera në lidhje me koalicionet.
3. Takimi ka ndodh në vend publik ku ka pas shumë qytetar dhe ka kamera.
