Kryeministri Albin Kurti ka ngushëlluar për viktimat nga përmbytjet në Spanjë dhe tha se “mendimet tona janë me qeverinë spanjolle dhe popullin e Spanjës ndërsa përballen me përmbytjet vdekjeprurëse dhe shkatërruese”.
“Kosova u dërgon ngushëllime familjeve të viktimave të shumta dhe solidarizohet me komunitetet e prekura, si dhe me reaguesit e emergjencës në përpjekjet e tyre të palodhura për të ndihmuar”, ka shkruar Kurti në X.
Të paktën 51 persona dihet se kanë vdekur pasi shiu i rrëmbyeshëm shkaktoi përmbytje në Spanjën juglindore, thanë autoritetet atje.
Our thoughts are with the Spanish government and the people of Spain as they face the deadly and devastating floods. Kosova sends condolences to the families of the many victims and stands in solidarity with the affected communities, as well as with the emergency responders in…
— Albin Kurti (@albinkurti) October 30, 2024
Spanja është goditur keq nga shirat e dendur dhe stuhitë, duke shkaktuar përmbytje në shumë rajone.
Kryeministri spanjoll Pedro Sanchez u ka bërë thirrje qytetarëve spanjollë të jenë të kujdesshëm.
Banorët e rajoneve duke përfshirë Valencia, Andaluzia dhe Katalonia duhet të marrin masa paraprake.
“Mundohuni të mos vozitni ose të jeni pranë urave|, thotë ai, duke u kërkuar njerëzve që të mos rrezikojnë jetën e tyre.
