Ministri i Mbrojtjes, Ejup Maqedonci ka bërë sot të ditur se Meriman Suka është akredituar atashe ushtarak në Republikën e Turqisë.
Maqedonci në një postim në Facebook shkruan se Kosova dhe Turqia do të vazhdojnë bashkëpunimin me shtetin turk në aspektin e mbrojtjes.
“Është akredituar atasheu ynë ushtarak si përfaqësues i shtetit të Kosovës në Republikën e Turqisë. Nënkolonel Meriman Suka, ka pranuar kredencialet si Atashe Ushtarak me të drejta të plota i Republikës së Kosovës në Turqi.
Do të vazhdojmë bashkëpunimin me shtetin turk në aspektin e mbrojtjes, si dhe eksplorojmë projekte të reja ushtarake në të ardhmen”, shkruan Maqedonci.
