Doarsa Kica-Xhelili i ka reaguar ministrit Hajrulla Çeku, duke thënë se ky i fundit ose s’po kupton se çka thotë LDK-ja, ose bëhet se nuk kupton.
Çeku i reagoi sot Lumir Abdixhikut, duke ngritur dilemën se cilin Lumir duhet ta mbajmë për fjale, atë që thotë se LDK-ja s’ka fituar apo atë që thotë se s’ka rëndësi fituesi dhe preferenca e qytetarit.
Ndaj tij, Kica-Xhelili reagoi ashpër, duke i ftuar ta formojnë qeverinë.
“Ju kemi thënë e po ua themi prapë: A jeni fitues të zgjedhjeve? BËJENI QEVERINË!”, u shpreh Kica-Xhelili.
Ky është postimi i plotë i saj:
Këta a NUK kuptojnë çka themi ne, apo bëhen që nuk kuptojnë? Apo qëndrimet tona janë “sport i rëndë” për ta?
Ju kemi thënë e po ua themi prap: A jeni fitues të zgjedhjeve? BËJENI QEVERINË!
LDK, me vullnet të mirë, qëndron në opozitë!
LDK, me vetëdije të plotë NUK I NDRYSHON qëndrimet paraelektorale. Ato mbesin të njëjta, ato mbesin të shenjta!
