LIVE: Tensione të mëdha/ Izraeli godet Hezbollahun në Libanin jugor – Hamasi vjen me deklaratën e fundit!

Ministria e Shëndetësisë e Gazës njoftoi se numri i viktimave palestineze në Rripin e Gazës gjatë më shumë se tre muajve të luftës midis Izraelit dhe militantëve të Hamasit ka arritur në 25000. Ndërkohë është rritur trysnia ndaj qeverisë Izraelite të drejtuar nga kryeministri Benjamin Netanyahu për të pranuar një “zgjidhje me dy shtete”. Sekretari i Përgjithshëm i Kombeve të Bashkuara dhe Ministri i Mbrojtjes i Mbretërisë së Bashkuar thanë se ishin zhgënjyese deklaratat e kryeministrit Netanyahu duke mos pranuar një shtet të ardhshëm palestinez.

Trysnia është rritur ndaj qeverisë Izraelite të drejtuar nga kryeministri Benjamin Netanyahu, për të pranuar krijimin e një shteti të ardhshëm palestinez. Sekretari i Përgjithshëm i Kombeve të Bashkuara, Antonio Guterres tha të dielën se refuzimi për të pranuar zgjidhjen me dy shtete për izraelitët dhe palestinezët është krejtësisht i papranueshëm.

Sipas tij mohimi i së drejtës për shtetësi ndaj palestinezëve “do të zgjaste pafundësisht një konflikt që është bërë një kërcënim i madh për paqen dhe sigurinë globale”. Ai tha se është trishtuese të shikosh numrin e lartë të civilëve palestinezë të vrarë në Rripin e Gazës.

“Operacionet ushtarake të Izraelit kanë përhapur shkatërrim në masë dhe kanë vrarë civilë në një shkallë të paprecedentë gjatë kohës sime si Sekretar i Përgjithshëm”, tha Guterres në hapjen e një takimi në kryeqytetin e Ugandës, Kampala.

Në të njëjtën linjë ishte edhe Ministri i Mbrojtjes i Mbretërisë së Bashkuar.

“Mendoj se është shumë zhgënjyese që Benjamin Netanyahu nuk e ka pranuar. Nuk është e befasishme pasi ai e ka ndërtuar gjithë karrierën e tij politike kundër një zgjidhjeje me dy shtete. Por çështja është, cila rrugë tjetër ka për ta zgjidhur këtë problem? Palestinezët meritojnë një shtet sovran, Izraeli meriton të ketë aftësinë e plotë për të mbrojtur veten, sigurinë e tij. Dhe nëse nuk arrihet një zgjidhje me dy shtete, unë me të vërtetë nuk mendoj se ka një zgjidhje tjetër”, tha Grant Shapps, Ministri i Mbrojtjes i Mbretërisë së Bashkuar në një intervistë për BBC-në.

Kryeministri Netanyahu u duk të shtunën se doli kundër deklaratave të presidentit amerikan Joe Biden për një shtet palestinez pas përfundimit të luftës kundër Hamasit në Gaza.

Zoti Biden tha të premten se kishte folur në një telefonatë me zotin Netanyahu për zgjidhjet e mundshme për krijimin e një shteti të pavarur palestinez, duke sugjeruar se një alternativë mund të ishte një qeveri e çmilitarizuar.

“Në bisedën e tij me Presidentin Biden, kryeministri Netanyahu përsëriti qëndrimin e tij se pasi Hamasi të shkatërrohet, Izraeli duhet të ruajë kontrollin e sigurisë mbi Gazën për t’u siguruar që Gaza të mos përbëjë më kërcënim për Izraelin, gjë që bie ndesh me kërkesën për sovranitetin palestinez”, thuhet në një deklaratë nga zyra e kryeministrit izraelit.

Në një tjetër zhvillim, Ministria e Shëndetësisë e Gazës njoftoi se numri i viktimave palestinezë në Gaza gjatë më shumë se tre muajve të luftës midis Izraelit dhe militantëve të Hamasit ka arritur në 25000.

Ndërkohë ushtria izraelite publikoi një tjetër video, që pretendon se ka zbuluar një tjetër rrjet tunelesh në Gazë, ky dyshohet se Hamasi mbante aty rreth 20 pengje. Sipas ushtrisë izraelite rrjeti i tuneleve është rreth një kilometër i gjatë, i pajisur me qeli të vogëla, madje kishte edhe kuzhinë. Agjencia e lajmeve Reuters thotë se nuk ishte në gjendje të verifikonte në mënyrë të pavarur vendndodhjen ose datën kur u filmua kjo video. Një zëdhënës i ushtrisë izraelite tha se hyrja e tunelit ishte në shtëpinë e një anëtari të Hamasit në qytetin jugor të Gazës, Khan Younis.

Lufta filloi pas sulmit të befasishëm të Hamasit në Izrael më 7 tetor, në të cilin militantët e Hamasit vranë rreth 1200 njerëz, kryesisht civilë, dhe morën peng rreth 250, duke përfshirë burra, gra dhe fëmijë. Izraeli u përgjigj me një fushatë ajrore dhe më pas një sulm tokësor që ka rrafshuar lagje të tëra./VOA

Grupi Hamas ka thënë se sulmet e tij të 7 tetorit në jug të Izraelit ishin një “hap i domosdoshëm” kundër pushtimit izraelit të territoreve palestineze.

Ishte “një përgjigje normale për t’u përballur me të gjitha komplotet izraelite kundër popullit palestinez”, citohet të ketë thënë grupi, shkruajnë mediat e huaja.

Një dokument i raportit prej 16 faqesh ishte raporti i parë publik i grupit i lëshuar në anglisht dhe arabisht të dielën, duke shpjeguar sfondin e sulmit, kur grupi depërtoi kufirin e militarizuar të Gazës.

Ndryshe, më 7 tetor, qindra luftëtarë të Hamasit kaluan në Izrael përmes tokës, ajrit dhe detit.

Sulmi rezultoi në vdekjen e rreth 1,140 personave, thonë zyrtarët izraelitë.

Gjatë sulmit, personat e armatosur kapën rreth 250 pengje, sipas shifrave të fundit izraelite.

Zyrtarët izraelitë thonë se rreth 132 robër mbeten në Gaza, prej të cilëve të paktën 27 besohet të jenë vrarë.

“Nëse ka pasur ndonjë rast të shënjestrim të civilëve, kjo ka ndodhur aksidentalisht dhe gjatë konfrontimit me forcat okupuese”, ka thënë Hamasi në raport.

“Shumë izraelitë u vranë nga ushtria dhe policia izraelite për shkak të konfuzionit të tyre”.

Ndryshe, pas sulmit të Hamasit, Izraeli filloi një luftë, duke goditur Gazën në fushatën më vdekjeprurëse të bombardimeve me të tilla çfarë zona është përballur ndonjëherë.

Izraeli vendosi dhjetëra mijëra trupa përgjatë kufirit të Gazës dhe në kufirin verior me Libanin.

Ai shpalli një rrethim të plotë të Gazës, duke ndërprerë furnizimet me ujë, energji elektrike dhe ushqime, vendime të denoncuara nga Kombet e Bashkuara.

Sulmet e Izraelit kanë vrarë të paktën 25,105 njerëz në Gaza, kryesisht gra, fëmijë dhe adoleshentë, sipas ministrisë së shëndetësisë në territor.

Ushtria izraelite nisi sulme ajrore kundër objektivave të Hezbollahut në Libanin jugor të dielën.

Grupi libanez Hezbollah tha të dielën se një nga luftëtarët e tij ishte vrarë në përleshjet me forcat izraelite në Libanin jugor.

Një deklaratë e Hezbollahut e identifikoi anëtarin e saj të vrarë si Ali Salman, duke thënë se ai u vra në rrugën për në Jerusalem, një frazë e përdorur nga grupi për luftëtarët e tij të vrarë nga Izraeli.

Agjencia Kombëtare e Lajmeve e Libanit raportoi më herët të dielën se një person u vra kur një dron izraelit goditi një automjet me katër rrota pranë një postblloku ushtarak libanez në qytetin Kafra në Libanin jugor.

Tensionet janë përshkallëzuar përgjatë kufirit të Libanit me Izraelin që kur ushtria izraelite nisi një ofensivë ushtarake vdekjeprurëse në Rripin e Gazës pas sulmit të Hamasit më 7 tetor, mes një shkëmbimi zjarri ndërkufitar midis Hezbollahut dhe forcave izraelite.

Të paktën 164 anëtarë të Hezbollahut janë vrarë që nga fillimi i përleshjeve mes dy palëve në tetor, sipas shifrave të publikuara nga grupi libanez.

Izraeli ka goditur Rripin e Gazës që nga një sulm ndërkufitar nga Hamasi më 7 tetor, për të cilin Tel Aviv thotë se vrau afro 1200 njerëz.

Ofensiva izraelite ka lënë 85% të popullsisë së Gazës të zhvendosur brenda në mes të mungesës akute të ushqimit, ujit të pastër dhe ilaçeve, ndërsa 60% e infrastrukturës së enklavës është dëmtuar ose shkatërruar, sipas OKB-së. 

Sekretari i Përgjithshëm i Kombeve të Bashkuara, Antonio Guterres, e ka përsëritur thirrjen për zgjidhje me dy shtete, teksa kryeministri izraelit, Benjamin Netanyaju e ka refuzuar sërish mundësinë e një shteti sovran palestinez.

“E drejta e popullit palestinez për të ndërtuar shtetin e tyre, duhet të njihet prej të gjithëve”, ka thënë Guterres të shtunën në Kampala, në një takim me kombet që kanë qenë neutrale gjatë Luftës së Ftohtë.

“Refuzimi për të pranuar zgjidhjen me dy shtete për izraelitët dhe palestinezët, dhe mohimi i të drejtës së shtetësisë së popullit palestinez, janë të papranueshme”.

Sipas Guterresit, mohimi i zgjidhjes me dy shtete po zgjat konfliktin, që është kthyer në kërcënim global për paqen dhe sigurinë, dhe po kontribuon në polarizim dhe forcim të ekstremizmit në çdo vend.

Ai i ka përsëritur thirrjet për armëpushim të menjëhershëm në betejën në mes të Izraelit dhe Hamasit në Rripin e Gazës.

Hamasi, grup palestinez që udhëheq Gazën, është shpallur organizatë terroriste prej Shteteve të Bashkuara dhe Bashkimit Evropian.

Pas sulmeve të Hamasit në Izrael – duke lënë mbi 1.200 njerëz të vrarë dhe duke marrë 240 pengje – ushtria izraelite ka nisur ofensivë tokësore dhe ajrore në Gaza, me qëllim të shkatërrimit të Hamasit.

Si pasojë e ofensivës izraelite janë vrarë rreth 25.000 njerëz, sipas autoriteteve shëndetësore palestineze.

Për dallim prej Guterresit, Netanyahu e mohon në vazhdimësi idenë e një shteti palestinez, pasi të përfundojë konflikti në Gazë.

“Nuk do të bëj kompromis në kontrollin e sigurisë mbi gjithë zonën në perëndim të Jordanisë – dhe kjo është në kundërshtim me shtetin palestinez”, ka thënë ai të shtunën, duke e përsëritur qëndrimin që çdo zgjidhje në të ardhmen e afërt duhet të përfshijë kontrollin ushtarak izraelit mbi gjithë Bregun Perëndimor.

Shtetet e Bashkuara, aleate të mëdha të Izraelit, janë, po ashtu, duke e çuar përpara zgjidhjen me dy shtete.

Ministri britanik i Mbrojtjes, Grant Shapps, e ka përshkruar si “zhgënjyes” kundërshtimin e kryeministrit izraelit, Benjamin Netanyahu, për krijimin e një shteti palestinez.

“Mendoj se është zhgënjyese të dëgjosh Benjamin Netanyahu-n të thotë se nuk beson në një zgjidhje me dy shtete. Këtë ai e ka thënë gjatë gjithë karrierës së tij politike. Por, unë nuk mendoj se do të arrijmë në një zgjidhje nëse nuk kemi zgjidhje me dy shtete”, tha Shapps.

Duke u shprehur se britanikët nuk ndërhyjnë në proceset demokratike të vendeve tjera, Shapps vuri në dukje ndarjet brenda udhëheqjes politike izraelite, si dhe marrëdhëniet e ngushta midis Britanisë së Madhe dhe Izraelit.

Këto komente erdhën pasi u duk se Netanyahu u tërhoq nga raporti në bazë të së cilit nuk e ka përjashtuar krijimin e një shteti palestinez.

Gjatë fundjavës, zëdhënësi i Netanyahut pretendoi se në një telefonatë me presidentin amerikan, Joe Biden, udhëheqësi izraelit ka theksuar se nevojat e sigurisë së vendit të tij nuk po lënë hapësirë për një shtet sovran palestinez.

Megjithatë, zgjidhja me dy shtete dhe krijimi i një shteti palestinez me më pak se sovranitet të plotë, nuk është përjashtuar nga presidenti amerikan Joe Biden. 

Inteligjenca amerikane vlerëson se forcat mbrojtëse të Izraelit, kanë arritur të vrasin “20 deri në 30 për qind” të numrit të përgjithshëm të militantëve të Hamasit.

Siç raporton Wall Street Journal, Hamasi që sundon në Rripin e Gazës, ka mjaftueshëm municion që për muaj të tërë të luftojë kundër forcave izraelite.

IDF-ja izraelite javën e kaluar njoftoi se mbi 9 mijë pjesëtarë të Hamasit dhe organizatave tjera militante ekstremiste, janë vrarë në Gazë nga fillimi i luftës më 7 tetor 2023.

Atë ditë në sulmeve e militantëve të Hamasit mbi jugun e Izraelit, janë vrarë 1.200 persona, kryesisht civilë dhe mbi 240 pengje janë marrë në Gazë.

E nga sulmet izraelite të realizuara nga ajri, toka e deti, si kundërpërgjigje për sulmet e Hamasit, janë vrarë 24.927 persona në Gazë, kryesisht gra e fëmijë, kështu të paktën pretendojnë nga ministria e Shëndetësisë në Gazë.

Një eprorë i lartë ushtarak i IDF-së në vitin 2021 pati vlerësuar se Hamasi numëron rreth 30 mijë pjesëtarëve, kurse IDF-ja thotë se luftimet në Gazë do të vazhdojnë gjatë tërë vitit, sepse qëllimi i Izraelit është shkatërrimi i plotë i Hamasit.

Izraeli është zotuar se do të vazhdojë luftën derisa të kthehen të gjithë pengjet, e besohet se Hamasi i mban akoma rreth 132.

Ministri i Jashtëm i Arabisë Saudite tha se mbretëria është "shumë e shqetësuar" se tensionet në Detin e Kuq mund të dalin jashtë kontrollit dhe të përshkallëzojnë konfliktin në rajon.

Fjalët e Princit Faisal bin Farhan vijnë në mes të sulmeve të Huthëve të Jemenit dhe sulmeve të SHBA-së ndaj objektivave Houthi, raporton Sky News, përcjell Bota sot.

"Dua të them, sigurisht, ne jemi shumë të shqetësuar. Dua të them, ju e dini, ne jemi në një kohë shumë të vështirë dhe të rrezikshme në rajon, dhe kjo është arsyeja pse ne po bëjmë thirrje për de-përshkallëzimin," i tha ai CNN-it.

Ministri saudit tha se mbretëria beson në lirinë e lundrimit dhe dëshiron që tensionet në rajon të de-përshkallëzohen.

Sulmi i djeshëm ndaj forcave amerikane në bazën ajrore al Assad në Irak u krye nga militantë të mbështetur nga Irani, kanë thënë SHBA.

Shumë raketa balistike dhe raketa u lëshuan në objektin në Irakun perëndimor, tha Komanda Qendrore e SHBA në X, raporton Sky news, përcjell Bota sot.

"Shumica e raketave u kapën nga sistemet e mbrojtjes ajrore të bazës, ndërsa të tjerat u goditën në bazë. Vlerësimet e dëmeve janë në vazhdim.

"Një numër i personelit amerikan po i nënshtrohet vlerësimit për lëndime traumatike të trurit," tha ai.

Një pjesëtar i shërbimit irakian dihet gjithashtu se është plagosur rëndë në sulm.

Raketat e Marinës Mbretërore që janë përdorur për të rrëzuar dronët Houthi në Detin e Kuq do të përmirësohen.

Sistemi i Mbrojtjes Ajrore Sea Viper do të shfaqë koka të reja luftarake dhe një përditësim të softuerit.

Përmirësimi prej 405 milionë funtësh do të ndihmojë në ruajtjen e më shumë se 350 vendeve të punës specialistike në të gjithë vendin - dhe duhet të përfundojë deri në vitin 2032, raporton Sky News, përcjell Bota sot.

Shpresohet se përmirësimi do t'i ndihmojë anijet e Marinës që të përballen më mirë me kërcënimet më komplekse në të ardhmen.

Sekretari i Mbrojtjes Grant Shapps tha: "Ndërsa situata në Lindjen e Mesme përkeqësohet, është jetike që ne të përshtatemi për të mbajtur të sigurtë Mbretërinë e Bashkuar, aleatët dhe partnerët tanë.

“Sea Viper ka qenë në ballë të kësaj, duke qenë arma e zgjedhur e Marinës në rrëzimin e parë të një kërcënimi ajror në më shumë se 30 vjet.

"Marrëdhënia jonë e fortë dhe e qëndrueshme me industrinë britanike ka siguruar që ne mund të përdorim aftësitë më të fundit teknologjike kudo që ato kërkohen, duke mbështetur qindra vende pune në të gjithë vendin dhe duke forcuar prosperitetin e Mbretërisë së Bashkuar."

Kryeministri i Izraelit, Benjamin Netanyahu, ka insistuar sërish se vendi i tij duhet të mbajë kontrollin e sigurisë mbi të gjitha territoret palestineze.

Sipas mediave të huaja, kryeministri izraelit tha se ky kusht ishte “në kundërshtim” me krijimin e një shteti të ardhshëm palestinez.

Komentet e tij të shtunën kundërshtuan presionin ndaj qeverisë së tij nga SHBA dhe të tjerët për t’u angazhuar për shtetësinë e ardhshme palestineze.

Netanyahu dhe presidenti amerikan Joe Biden diskutuan të ardhmen e territoreve palestineze në një telefonatë të premten.

Ndërhyrja e fundit e kryeministrit izraelit u duk se thellonte një ndarje publike midis qeverisë së tij dhe SHBA-së mbi qeverisjen e ardhshme të Gazës dhe Bregut Perëndimor kur konflikti i Gazës të përfundojë.

SHBA beson se një shtet i ardhshëm palestinez përkrah Izraelit – i njohur si “zgjidhja me dy shtete” – është jetik për stabilitetin afatgjatë. Por Shtëpia e Bardhë pranoi këtë javë se qeveritë e SHBA-së dhe Izraelit “i shohin qartë gjërat ndryshe”.

Duke folur me gazetarët pasi të dy udhëheqësit mbajtën një telefonatë për herë të parë në pothuajse një muaj, Biden këmbënguli se një zgjidhje me dy shtete ishte ende e mundur me zotin Netanyahu në detyrë.

“Ka një sërë llojesh zgjidhjesh me dy shtete. Ka një numër vendesh që janë anëtarë të OKB-së që… nuk kanë ushtritë e tyre,” tha ai.

Por të shtunën, Netanyahu këmbënguli në pozicionin e tij, të cilin ai e ka mbajtur për pjesën më të madhe të karrierës së tij politike dhe e përsëriti në fillim të kësaj jave.

Në një deklaratë të lëshuar nga zyra e tij thuhej: “Në bisedën e tij me Presidentin Biden, kryeministri Netanyahu përsëriti politikën e tij se pasi Hamasi të shkatërrohet, Izraeli duhet të mbajë kontrollin e sigurisë mbi Gazën për të siguruar që Gaza të mos përbëjë më një kërcënim për Izraelin, një kërkesë që bie ndesh me kërkesën për sovranitet palestinez”.

Gjithashtu të shtunën, në një postim në “X”, ai tha se Izraeli duhet të mbajë “kontrollin e sigurisë mbi të gjithë zonën në perëndim të Jordanisë”, një zonë që përfshin gjithashtu territorin e Bregut Perëndimor të pushtuar nga Izraeli.