“Armëpushimi është në rrezik në Gaza”, tha për BBC-në një politikan i lartë i Hamasit.
Izraeli ka deklaruar se është Hamasi ai që po e shkel marrëveshjen.
Dr. Basem Naim i tha BBC-së se Hamasi mbetet i përkushtuar ndaj marrëveshjes dhe është “i gatshëm të dorëzojë të burgosurit të shtunën e ardhshme nëse situata rregullohet”.
Hamasi deklaroi të hënën se po shtyn lirimin e planifikuar të pengjeve izraelite, duke fajësuar atë që pretendon se janë shkelje izraelite të marrëveshjes së armëpushimit.
“Këto shkelje të vazhdueshme të marrëveshjes do ta minojnë atë, do ta sabotojnë atë, duke filluar me vonesën e kthimit të personave të zhvendosur për më shumë se 48 deri në 72 orë”, tha ai.
Naim gjithashtu tha se ndihmat kryesore, si ushqimi dhe ilaçet, nuk janë të disponueshme, duke e përmendur këtë si një tjetër arsye për vonesën.
“Por, së fundmi, dhe jo më pak e rëndësishme, kërcënimet nga Netanyahu të mbështetura nga Trumpi, deklaratat se ata po planifikojnë të zhvendosin dy milionë njerëz nga Rripi i Gazës”, shtoi Naim.
