Mëngjesin e së mërkurës (01:00 ora shqiptare) do të luhen ndeshjet e para të sezonit 2020-2021 në NBA. Sezoni i kaluar u mbyll më 11 tetor në Orlando me Lakers që u shpall kampion, qytet ku dhe u grumbulluan për gati 4 muaj skuadrat pjesëmarrëse.
Gjithsesi, tashmë është koha për të nisur sezonin e ri, që do të ketë 74 ndeshje gjatë sezonit të rregullt.
Dy janë ndeshjet që do të luhen në startin e sezonit 2020-2021 në NBA: Brooklyn-Golden State dhe derbi i Los Anxhelosit mes Lakers dhe Clippers.
Një sezon që parashikohet mjaft interesant dhe me surpriza.
Lakers e nisin si favoritë, duke qenë se kanë ruajtur grupin e vjetshëm dhe janë përforëcuar më shumë. Me interes pritet paraqitja e Kevin Durant te Brooklyn, por edhe ajo e Giannis Antetokounmpo me Bucks.
