Kim Kardashian është kritikuar sërish në rrjet dhe shkak kësaj radhe është bërë reklama e saj e re për Beyond Meat.
"Unë besoj aq shumë në misionin e Beyond Meat saqë kam ndërhyrë për të ndihmuar me asetin tim më të madh - shijen time," tha Kim në videon 30-sekondëshe të kompanisë vegane.
Ndërsa Kardashian fliste para kamerës teksa ishte në një kuzhinë për reklamën, një kuzhinier vendosi një shumëllojshmëri pjatash që përmbanin zëvendësuesin e mishit me bazë bimore përpara saj.
Fillimisht ishte një burger vegan i prerë në gjysmë, të cilin Kim e mbajti në fytyrë, ndërsa ajo lëvizte gojën e mbyllur në një lëvizje të ngjashme me përtypjen. Siç theksuan shumë përdorues të mediave sociale, sanduiçi mbeti i paprekur.
Kardashian më pas përdori një pirun për të marrë një qofte me bazë bimore, të cilën e mbajti në fytyrë, përpara se të shtrydhte një lime mbi një pjatë me taco.
"Ky mish me bazë bimore nuk është vetëm jashtëzakonisht i shijshëm, por është gjithashtu më i mirë për ju dhe më i mirë për planetin," tha ajo ndërsa vazhdoi të njëjtën lëvizje të ngjashme me përtypjen.
“Ajo nuk duket që po e konsumonte produktin. A e hëngri ajo në të vërtetë?” shkroi një kritik, i cili ishte në mesin e disave që argumentonin se reklama në fakt i bëri ata të mos donin të blinin produktin.
"Unë nuk po e blej, sepse ti nuk po e ha vërtet atë," shkroi dikush tjetër.
Dhe komentet e tilla ishin të pafundme. Pra, edhe një herë Kim ia doli të diskutohej. Për mirë apo për keq, ka pak rëndësi.
